Napule
Comm''è belle Napule 'a primma matine,
quanne 'o sole saglie chianu chiane
'e t'arape ll'uocchie comm'a nu siparie
'ncoppe a stà città perle d''o munne.
Via caracciolo 'e nu suonne.
Nu quadre cà sule Dio puteve ffà!
Margelline, Santa Lucia, songhe poste
canusciute pe tutt''o munne
ognune che l'ha viste torne pè guardà
'e chi nun l'ha viste vene pe se putè sunnà.
Napule è gioije. Allegrie d''a ggente 'mmiez''a via-
Ricchezze 'e sole 'e mare.
E' nà varche che s'alluntane cu nu piscatore.
E' 'a luce 'e nà lampare.
E' 'a ricchezze d''a lune 'mmiez''o mare
che te 'ncante e te ffà annamurà.
E' a ricchezze cà sule stà città te sape d''a!
La mia nascita:
'O juorne che sò nate dicettene 'a papà stu figlio tuoije
'e fracete l'avimma sule jttà-
Nu chile 'e ottuciente, tutt'osse senza carne pare scavate 'a poche
nè quante pò durà?..
Faciteve curaggio chiste nun pò campà!
Papà con la fiducia che ha sempre sostenuto dicette:
Abbaste quacche mmise pò fà repiglià.
'O miedeche ascenne 'e redenne dicette: ma nun ve lusingate,
chiste sule quacche juorne pò campà.
Quindi fra quacche mmise chiste nun ce stà-
'E sicche 'e scheletrite... ma guardate ccà chiste nun tene manche 'a
forze 'e respirà.
Doppe tre mise tecchete papà nun steve bbuone 'e 'o miedeche
venette po sanà-
Vedenne 'a nu criature dint''a connele paffuto 'e vivace dicette:
Ma chiste nè nate.... nun nè chillu llà....
Chiste ll'ate adottate?
Papà ciò facette credere e jsse tutte ccà se papiave ccà nun s'ere
sbagliate.
Mammà facenne 'a resatelle dicette: dettò, dettò nun sbariate chiste 'e chillu llà- Tene nù core 'e fierre 'e assaije camparrà-
Infatti all'ossa soije io stonghe ancora ccà.
'E pè quant'anne ancore m'hanna suppurtà?
Si 'o sole...
Si 'o sole se scetasse nà matine.
'e me dicesse cà tu nun me vuò cchiù bbene,
te giuro, amore mio,
cà chille sarria ll'urdeme juorne 'e chesta vita mia.
Pecchè tu nun me si trasute dinte 'o core.
Tu si 'o core mio.
Tu si 'o respiro ca me fa campà.
Tu si 'a forze cà me fa cammenà.
Si, 'o penziere cà me fa suspirà.
Si ogne gocce 'e sanghe cà me scorre dinte 'e vvene.
Si ogne cosa bella attuorne a me.
Vicino 'a te, è sempe primmavera.
E tu si 'o ciore, cà voglio addurà.Si nà zinghere....
Si nà zinghere liggeneme ‘o destine
‘mmiez’’a mane, m’avesse ditte
Cà ‘ncuntrave a nà femmene comme a te
Nun c’iavesse credute.
L’avesse ditte: vattè nun mè di fesserie.
Nà femmene accussi,
esiste sule dint’’e suonne.
‘E mò che t’agge ‘ncuntrate,
overamente mè pare ‘e sunnà.'A Felicità.
Tantu tiempe fa io me domandave spisse:
"Ma che dè 'a felicità"?
Nun riuscieve a l'identificà.
Nun riusceve a capi addò puteve stà.
nun riusceve 'a capì addò 'a puteve truvà
'E cammenave, cà cape acalate, pe guardà 'nterre,
cà cape ajzate, pe guardà 'ncielle.
Nu poche me girave attuorne
Ma niente riusceve a capi.
Niente riusceve a senti.
Niente riusceve a truvà.
Me disperave.
M'arraggiave. Ma niente puteve ffà!
Ma 'o juorne che guardaje 'e rimpette a me 'e vedette 'a te.
Subbete capette ch'ere 'a felicità,
'e addò steve sta felicità.
Ll'uocchie tuoje belle comme 'a cristalli.
'A vocca toje belle comm'a na rose 'e maggio.
'e capille tuoje comm'a nu mante 'e spose.
'A faccia toje lucente comm''a nu ragge 'e sole.
m'hanne fatte annammurà e sule allora agge capite,
cà sulamente tu si 'a felicità-Ll'ammore
Ll'ammore è comme 'o vine: te 'mbriache doce doce,
chianu chianu.
Nun te fa capi cchiù niente
Te porte assaje luntane.
Ll'ammore
è comme'o zucchere cà miette dint''o cafè.
Te leve tutte l'amare.
Te trase cò sapore dint''e vene,
e nun ne può ffà cchiù almene.
Ll'ammore
è comme 'o ciore: culurate, prufumate.
E' nà tempeste, te fa scurdà 'o passate!
Ll'ammore è comme 'o mare
che sbatte 'nfacce 'e scoglie.
Te sbatte dinte 'o core,
ma nun te fa maije male.
Nà poesia
Vuleve scrivere pe te
nà poesia.
Ma nà poesia nun se po scrivere pe te.
Pecchè tu stesse si nà poesia.
Che te putesse dicere cchiù e chelle ca tu si?
Comme e truvarrie e parole?
Comme putessene nascere'e penziere?
Nun ce stanne nè parole e nè penziere
che ponne raccuntà tu comme si!
Ma te pozze di sule nà cose:
Tu si a grandezze e Dio cchiù preziose
ca 'ncopp''a sta terra
ce fa immaginà: l'ancoppe
'o Paravise comme sarrà-Senza 'e te!
Nun saccio immaginà nà jurnate,
n'ora, nu minute senza 'e te.
Senza 'e te, significhe: 'e nun campà-
Pecchè tu si tutte chelle cà nà femmene pò ddà:
ammore, passione, gioia, felicità, armunia 'e serenità
Nisciune doppe 'e te ce stà ca me pò sazzià
comme sulamente tu sai ffà!
'A 'Nnammurata mije
'A 'Nnammurata mije 'e napulitane
Cchiù belle 'e esse nisciune ce stà!
Uocchie nire, capille 'ncopp''e spalle,
nà faccia d'angele che te fa sunnà-
Nun porte trucco è belle al naturale.
Tu cchiù 'a guarde 'e cchiù se fa guardà-
E' fresche comme all'acqua 'e na funtane.
cù d''a matine 'a sere stà a menà.
Ma quande ffà ll'ammore 'e nu vulcane.
E' tutte 'o fuoche me fa assapurà.
Si belle!
Ma chesta sera si cchiù belle ancora.
'O russe 'e stu vestite
ca te fascia e te modelle comm''a na riggine,
pare nu tramonte 'e nà sere d'estate.
Quande s'appicce 'o ciele e se culore
comm''a forze 'e nà passione d'ammore.
Vederte accussi, ancora cchiù lucente
Me sbatte 'mpiette 'o core 'e m'emozione.
Te sente dint''e vvene
'e m'annammore.
Tu
'A quante uommene 'e fatte annammurà?
Quanti t'hanne putute avè?
Quante ate ancora songhe 'nnammurate 'e te?
'E quante ate te vulessene avè?
Si bella. E' comme a te nisciuna 'e belle.
Tiene dint''all'uocchie 'a luce de stelle.
Chisti capille c'accarezze 'o viente,
e pure 'o vinte s'annammore 'e te
sò fine 'e delicate comme 'a sete,
'e fanne nà curnice attuorne a te.
Si bella 'e chiara comme 'a nu raggio 'e sole
'e comme 'o sole faije luce 'mpiette 'a mme!
Una poesia Sociale:
Nun se po’ cchiù campà.
Nun se po’ cchiù campà amici miei.
Nun se po’ cchiù campà
Cheste è ‘a verità
Ma nun ce n’addunamme.
Simme distratte ‘a chelle che ce fanne vedè attuorne,
e nun c’iaccurgimme che stamme murene
nù poche tutt’’e juorne.
Camorra, mafia, politici corrotti.
Amministratori, carabinieri e poliziotti
Che chiudene ll’uocchie ‘e pigliane ‘e tangente!
Carabinieri, e poliziotti
Ca senza né dignità, né scuorne scortano i veri
Delinquenti
Po’ vonne fa rispettà ‘a legge ‘ncuolle
‘a povera ggente.
Nascene malatie pè fa denare.
Merce avariata e merce di camorra dint’’e supermercate.
‘e ti ‘a stà attiente quande taglie ‘o ppane
Cà nun te trase nù chiuve dinte ‘a mane.
Si inquina l’ambiente, l’aria,
pe sparagnà denare pecchè ‘o guverne
‘ncopp’’e tasse nun te fa sconte e nun tene creanze.
Ce fanne credere cò tutto 'e sistemate
Ma si ce guardammo attuorne,
È tutte n’anzalate.
Stamme sempe cchiù ‘nguaiate!
Strade affollate ‘e borze e bancarelle
Pè tutte chesta gente chè trasute
Comme ‘e mosche dinte ‘a calure estiva
Pe fa piacere ‘a chi ne trae vantaggio
Facenne ‘e stà Nazione nù burdelle.
Jttanne a mare storia, tradizioni e sentimente.
Se vonne imporre con malizia e prepotenza
E stanne piglianne talmente
‘o sopravvento,ca a natu ppoche te vonne cumannà
E te vonne pure dicere chelle cà tu ja ffà!
Nun te può cchiù fidà ‘e nisciune.
Ognuno penze sule po’ dio suoje.
Mettimmancelle chiaro dinte ‘e cervelle,
ce regnane sulo ‘e chiacchiere ma niente stà ‘a livelle.
‘E chelle cà ce fanne luccicà dicendo: E’ ORO!
E sule nù cule ‘e butteglie sott’’o sole.Nun se capisce niente! ('o coronavirus)
Mmieze ‘a stà guazzabuglio ‘e stu coronavirus,
nun se capisce niente: une dice nà cose… nate ne dice nate
Chi ‘a conte cotte 'e chi a conte crude.
Chi dice ‘a verità ‘e chi ‘a buscia.
Nu miereche tene nà teorie ‘a seconde dà televisione che l’ha chiammate ‘e l'ha pavate
‘o cumpagne po’ ne tene nate- incrementando cosi la pubblicità sulle varie testate.
Politici incapaci che s’affidene ‘a ggente cchiù incapace ‘e llore
Se scornene una parte cu nate ‘e sempe pecchè?
Pe vedè chi s’adda mangià ‘e denare.
Intante gente è mmorte, po’ ggente prigiuniere ‘a dduije mise dint’’e case .
Magazine e ristoranti chiusi. Abbandonati.
Se cammine pà strade comme agli appestati-
Ognune distante a nate pure si è nu familiare e tutte cheste pecchè?
Per un capriccio umano.
Per avere il potere assoluto d'un popolo ed una Nazione e,
per poter incrementare ancora altro denaro-
Ma dint’’a tutte stà tragica storia,
dove gli innocenti ce songhe inconsapevolmente capitate
nà cosa più evidente mi ha turbato:
cà ‘a tutte ‘e politici pure ‘o coronavirus l’ha schifate!
Una poesia dedicata alla lingua napoletana. Il napoletano è una lingua
a tutti gli effetti e mi innervosisco quando qualcuno la definisce dialetto.
Come ogni lingua ha sua Fonologia, ortografia, morfologia, Sintassi,
semantica ed etimologia.
'A lengua napulitane:
Io te parle 'a che songhe nate
'e a che songhe nate me songhe appassiunate a te.
Te parle ca voce 'e che mmane.
Pecchè si l'unica lengue ca quanne se parle s'accumpagne
che muvimiente d''è mmane pe ffà capi a tutti, chelle ca tu vuò di.
Si 'a lengue cchiù belle 'e ogne lengue.
Nisciune tene a musiche dint''e parole ca sule tu sai da.
Nà lengue accussi belle, immediate, schiette spuntanea
ca nisciunu paese pò vantà
pecchè comme tutte 'e cose che nascene dint''a sta città
sulamente ccà 'e può truvà.
Ce stanne frase, parole, ca sule cò napulitane
ponne significà chelle che se vo di e nun 'e può
traducere pecchè nun ponne cchiù significà
chelle c'hanna significà.
Si lengue antica assaije.
'o medioevo già ce stive tu
Te se parlave d''a Sicilia in poi.
Pure Dante ne parlave 'e te.
Eppure 'o Rre 'o milleequattucientequarantadoije se n'annammuraije
decidenne ca dint''o regne suoje sulle napulitane s'aveva scrivere e parla.
Oggi ce sta ancora ggente ca dice ca tu lengue nun si
pecchè sule a napule te se parla 'e a nisciuna parte cchiù-
Ma forze se so scurdate, o nun hanne capite, 'o fanne fint''e nun capi
ca te se parle a napule pecchè tu comm''a napule tutt''o munne si!
